Author: નોબત સમાચાર
જોડિયા તાલુકાની નેસડા પ્રાથમિક શાળાના શિક્ષકને શ્રેષ્ઠ ગણિત શિક્ષક એવોર્ડ અપાયો
ગણિત અને વિજ્ઞાન વિષયના શિક્ષક તરીકે ફરજ બજાવી રહેલા
જામનગર તા. ર૫: જોડિયા તાલુકાની શ્રી નેસડા પ્રાથમિક શાળાના શિક્ષક શ્રી ધમસાણીયા રમેશચંદ્ર શિવલાલને ગુજરાત રાજ્યના રાજ્ય કક્ષાના શ્રેષ્ઠ ગણિત શિક્ષક તરીકેનો એવોર્ડ મળ્યો છે. તેઓ ધોરણ ૬ થી ૮ માં ગણિત અને વિજ્ઞાન વિષયના શિક્ષક તરીકે છેલ્લા ૧૪ વર્ષથી ફરજ બજાવી રહ્યા છે. તેઓએ ગણિતના ગીતો, ગણિતની સાપસીડી, ગણિતનું પુસ્તક ગણિત વાટીકા, ગણિતના મોડેલો, સરળ ગણિત વગેરે જેવી પ્રવૃત્તિઓ હાથ ધરીને બાળકોને ગણિત જેવો અઘરો લાગતો વિષય સરળતાથી સમજાય તે માટે અથાક પ્રયત્નો કરેલા છે.
આ ઉપરાંત તેમણે રાજ્ય કક્ષાના વિજ્ઞાન મેળા અને ઈનોવેશન ફેરમાં પોતાના પ્રોજેકટ રજૂ કર્યા છે. તેઓ ફકત શાળાના બાળકો જ નહીં પણ ગુજરાતના તમામ વિદ્યાર્થીઓને લાભ મળી શકે તે માટે પોતાના ઈનોવેશન વિવિધ શાળાઓ અને શિક્ષકો સુધી પહોંચાડે છે. રાજ્ય સરકાર દ્વારા તેમને આ પૂર્વે શ્રેષ્ઠ શિક્ષક પુરસ્કાર, ગુરૂ ગૌરવ એવોર્ડ, પ્રતિભાશાળી શિક્ષક એવોર્ડ જેવા અનેક એવોર્ડ મળ્યા છે. રમેશચંદ્રભાઈની આ સિદ્ધિ બદલ શાળાના આચાર્ય ભાવેશભાઈ પનારા, શિક્ષકઓ, ગામના સરપંચ તેમજ એસ.એસ.સી. અધ્યક્ષએ શાળા પરિવાર, નેસડા ગામ અને સમગ્ર જામનગર જિલ્લાનું ગૌરવ વધારવા બદલ શુભેચ્છાઓ પાઠવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
