Author: નોબત સમાચાર
નગરના લેખક ગૌરવ પંડ્યાની નોંધપાત્ર સિદ્ધિઃ સાહિત્ય જગતની પ્રતિષ્ઠિત સ્પર્ધામાં પુરસ્કાર
વિશ્વભરમાંથી ૧૯૮ કૃત્રિઓ રજૂ થઈ હતી
જામનગર તા. ૨૫: તાજેતરમાં યોજાયેલ ગુજરાતી સાહિત્ય જગતની પ્રતિષ્ઠિત સ્પર્ધા અમરેલીના ડો. પ્રતાપભાઈ પંડ્યાની સ્મૃતિમાં યોજાયેલ ટૂંકી વાર્તા સ્પર્ધામાં જામનગરના જાણીતા લેખક ગૌરવ પંડ્યાની કૃતિ 'સપનું સોળ વરસનું'ને પ્રથમ ત્રણ વિજેતા કૃતિ પછી નોંધપાત્ર કૃતિની શ્રેણીમાં પ્રથમ સ્થાન પ્રાપ્ત થયું હતું. વિશ્વભરમાંથી સેંકડો સર્જકોએ લાભ લેતા આ સ્પર્ધામાં પ્રાપ્ત કુલ ૧૯૮ કૃતિ પૈકી નગરના લેખકની વાર્તાને નોંધપાત્ર કૃતિનું પ્રથમ ઈનામ એનાયત થતા અમરેલીમાં આયોજીત સન્માન સમારંભમાં સ્પર્ધાના નિર્ણાયક કાલિન્દીબેન પરીખના હસ્તે ગૌરવ પંડ્યાને પુરસ્કાર એનાયત કરી સન્માનિત કરવામાં આવ્યા હતાં.
ઉલ્લેખનિય છે કે, આ ઉપરાંત જેવીએમ ફાઉન્ડેશન તથા મિડ-ડે (મુંબઈ) આયોજીત 'જો ભગવાન શ્રછી રામ આજે પૃથ્વી પર અવતરે તો' વિષય પર આધારીત નિબંધ સ્પર્ધામાં પણ ગૌરવ પંડ્યાના નિબંધને પ્રથમ ત્રણ વિજેતા કૃતિ પછી નોંધપાત્ર નિબંધની શ્રેણીમાં પ્રથમ ક્રમ પ્રાપ્ત થયો હતો.
આમ સાહિત્ય જગતની પ્રતિષ્ઠિત સ્પર્ધાઓમાં નગરના ગૌરવ પંડ્યાની કૃતિઓને સ્થાન તથા લેખકને પુરસ્કાર મળતા નગરના સાહિત્ય ગૌરવમાં વધારો થયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
