Author: નોબત સમાચાર
ભાટીયા તથા દેવરીયા ગામ પાસેથી બે આસામીના બાઈકની થઈ ઉઠાંતરી
અજાણ્યા વાહનચોર સામે નોંધાઈ ફરિયાદઃ
જામનગર તા. રરઃ કલ્યાણપુરના ભાટીયામાં એક ગેસ્ટ હાઉસ નીચેથી દસેક દિવસ પહેલાં બાઈક ચોરાઈ ગયું છે. જ્યારે ખંભાળિયા નજીક દેવરીયા ગામના પાટીયા પાસે ખાનગી કંપનીના દરવાજા પાસેથી પણ એક બાઈકની ઉઠાંતરી કરાયાની ફરિયાદ કરવામાં આવી છે.
દેવભૂમિ દ્વારકા જિલ્લાના કલ્યાણ૫ુર તાલુકાના ભાટીયા ગામમાં વસવાટ કરતા અમિતભાઈ ભીમશીભાઈ ધ્રેવાડા નામના આસામીએ ગઈ તા.૧૨ની રાત્રે દસેક વાગ્યે એક ગેસ્ટ હાઉસ નીચે જીજે-૧૦- બીક્યુ ૫૬૮૫ નંબરનું બાઈક પાર્ક કર્યું હતું. ત્યાંથી રૂ. ૧૫ હજારની કિંમતનું તે વાહન ચોરાઈ ગયું છે. કલ્યાણપુર પોલીસ મથકમાં ફરિયાદ કરાઈ છે.
ખંભાળિયા તાલુકાના ટીંબડી ગામના કુમારસિંહ ધીરૂભા સોઢાએ ગઈ તા.૧૨ની બપોરે દેવરીયા ગામ નજીક નયારા કંપનીના બે નંબરના દરવાજા પાસે જીજે-૩૭-એફ ૮૫૨ નંબરનું હીરો મોટર સાયકલ રાખ્યું હતું. તે વાહન પણ ઉપડી ગયું છે. પોલીસે બંને વાહનચોર સામે આઈપીસી ૩૭૯ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
